काठमाडौं ।

लामो समयदेखि सामजिक संजालमा चहलपहल गरिरहेका पात्र युवराज सफलको प्रस्तुति नेपाली गीत ” म त जिउँदै मरेकी छु ” को म्युजिक भिडियाे बजारमा आउने तयारीमा रहेको छ । मोडल एवम् नायिका नम्रता सापकोटा ,अनुप जङ्ग थापा ,सजिना लामिछाने र युवराज सफलको भूमिका रहेको गीत वियोगान्त खालको छ । कृष्ण भारद्वाजको सङ्गीत र निरा रानाभाटको स्वर रहेको गीतको म्युजिक भिडियोको निर्देशन राहुल बराइलीले गरेका हुन् शब्द रचना सफल स्वयमले गरेका हुन् । भिडियो केही दिनभित्रै रिलिज हुने कुरा उनले ललितपुर पोस्टलाई जानकारी दिएका छन् । उनको करिब डेढ दशकअघि “देशलाई सलाम” नामक कविता सङ्ग्रह पनि प्रकाशित भइसकेको छ । यस गीतले भने उनलाई गीतकारको समेत परिचय दिने देखिन्छ ।