काठमाडौ ।

खाने मुखलाइ जुँगाले छेक्दैन भने जस्तै प्रतिभा भएपछि केही कुराले पनि रोक्न सक्दैन भन्ने कुरा चरितार्थ भएको छ गीतकार शंकर अधिकारी घायलको जीवनमा । सानैदेखि लेखक बन्ने सपना उनले काठमाडौ आएपछि पूरा गरे । उनको जीवनको पहिलो गीत चलचित्र मैदानमा तिम्रो अँाखामा फुली रहन्छौ हामी सफल भएपछि उनको गीति लेखन यात्रा उकालो लाग्दै गयो । किस्मत, खलनायक, नसिब आफ्नो हुँदै अन्दाजको सिम्पल सिम्पल कान्छीको डिम्पल पर्ने गाला गीतले उनलाई थप उचाइ दियो । गीत लेख्दा लेख्दै उनको यात्रा चलचित्र लेखन र निर्देशनतर्फ मोडियो । केही वर्षपछि घायल सिरुपाते जुँगामा दाहिने हातको ताउमार्फत पुन: गीत लेखनमै फर्किए । गणपति । गणपति चलचित्रको ऊनभित्र गुण फुल्ने,एक भागवत एक गीता, माया लाई चिनो हातैमा, रेखा थापाको उपहारको वा वा वा हुँदै रोशन श्रेष्ठको यो मन त मेरो नेपाली हो सम्म आइपुग्दा घायलको गीत लेखन यात्रा जारी छ । अब उनको पहिचान गीतकारमा सीमित रहने छैन ।हाल उनी बाबुसाहेब बलामीको निर्देशनमा अन टाइटल चलचित्रको गीतको संगीत र रेकर्डिङमा ब्यस्त छन् । अहिले घायल कालु पाण्डेको चलचित्र अनि बिमल पौडेलको ट्याटु चलचित्रको गीतको संगीत गर्न लागिपरेका छन् । कतिपय अवस्थामा उनको गीत सुनेरै दर्शकहरू सिनेमा हेर्न पुग्ने गर्छन् ।