काठमाडौं महानगरपालिका-२ को वडाध्यक्षमा नेकपा एमालेका राजेन्द्रकुमार श्रेष्ठको प्यानलै विजयी भएको छ । स्वतन्त्र उम्मेदवार वालेन्द्र साह (बालेन)ले मेयरमा अग्रता कायम गरिरहेको भएपनि वडामा भने एमालेले जितेको हो ।श्रेष्ठले नेपाली कांग्रेसका सुर्यलाल महर्जनलाई पराजित गरेका हुन् ।वडाध्यक्ष निर्वाचित श्रेष्ठका अनुसार उनले १ हजार ३७९ मत प्राप्त गरे भने नेपाली कांग्रेसका महर्जनले ९२७ मत पाएका थिए ।यस्तै सदस्यहरुमा पदमकाजी महर्जन, विमल गुरुङ, पुर्णलक्ष्मी रजक र इश्वरी परियार निर्वाचित भएका छन् ।यसअघि वडा नं. १ मा पनि एमालेकै भरतलाल श्रेष्ठ विजयी भएका थिए ।