ललितपुर, कोन्जयोसोम गाउँपालिका २ नेकपा (माओवादी केन्द्र) कीे उम्मेद्वार संगीता तामांगले आफू नेकपा एमालेका उम्मेद्वार रोहन लामासँगको पराजयसँगै आफ्नो फेसबुक स्टाटसमा लेखेकी छन् ,
कोन्जयोसोम २ पार्टी कमिटीका जिम्मेवार कम्रेडहरु मेरा आफन्त तथा शुभचिन्तकहरु, साथीहरु, शंखुबासी अदरणीय आमा बुबा, दाजुभाइ तथा दिदी बहिनीहरुमा मलााई हरेक दृष्टिकोणबाट चुनावी अभियानमा जोडेर प्रत्यक्ष वा अप्रत्यक्ष सहयोग पुर्याउनु भएकोमा हजुरहरुप्रति मेरो सम्मानका साथ नमन, कृतज्ञताका साथै आभार प्रकट गर्न चाहन्छु । तपाईंहरुको सहयोग रहँदा रहँदै विभिन्न कारणले र कसैको अराजक गतिविधिले जित हाम्रो पोल्टामा पार्न सकिएन । यसमा हजुरहरु कोही पनि निराश नहुन आग्रह गर्दै खेप हार्यो, तर जन्म हारेको छैन । संघर्ष गर्ने उर्जा मिलेको छ र गतिलो पाठ सिकेँ । अब संघर्षलाई शिखर चुम्ने माध्यम बनाउँछु मैले हार खाएको छैन । म हजुरहरु समक्ष सदैव साथमा हुनेछु । मेरो हार भन्दा पनि यहाँको सुशासन, अनुसाशन र सद्भावमा खँडेरी पर्लाकि भन्ने ठूलो चिन्ता छ यसमा हामी सबै न्यायप्रेमीहरु गोलबन्द नहुनुको विकल्प छैन ।